Parte-hartzaileek abesti original bat sortu beharko dute, zeinaren gaia Sendaviva Parkearekin zerikusia duen. Abestiak guztiz originala eta musika eta letretan argitaratu gabea izan behar du.
Lehiatzeko beharrezkoa da abestia eta bere datuak info@sendaviva.com helbide elektronikora bidali, edozein audio edo bideo formatuan, eta gaian adierazi: Sendaviva musika lehiaketaren III.
Abestiak jasotzeko epea 2023ko ekainaren 1ean amaituko da.
Abestia instrumentazioarekin edo gabe grabatu daiteke, eta edozein musika estilotan.
Abestiaren eta zuzeneko emanaldiaren musika kalitatea baloratuko da, bai eta letren originaltasuna eta Sendavivaren ezaugarriekiko letren egokitasuna ere.
Sendavivak aukeratutako epaimahai batek 3 finalisten hautaketa egingo du, 2023ko ekainaren 15ean Sendaviva Zirkuan ospatuko den finalean parte hartuko dutenak. Final honetan, finalistek euren abestia zuzenean interpretatu beharko dute.
Parte-hartzaileek baimena ematen diote Sendavivari beren abestia, emanaldia irudietan eta/edo bideoetan erabiltzeko, parkarekin zuzenean lotutako edozein programa edo sustapen-materialetan emititzeko.
Egileek Sendavivari esleituko dizkiote abestiaren egile-eskubideak, eta honek bere instalazioetan eta egoki deritzon sustapen-materialean erabiliko du abestia zabaltzeko, beti ere aisialdiarekin, abenturarekin eta familiako dibertsioarekin zuzenean lotuta. Abesti irabazlea grabatu egingo da eta ekoiztetxe batek moldaketak egin ditzake abestia kalitate handikoa izan dadin.
Lehiaketako irabazleek (taldea, klasea, etab.) (gehienez 25 haur) Sendavivan hiriko udaleku baten saria izango dute, zientifikoa edo abentura modalitatea aukeratzeko, 2023ko denboraldian gaitutako asteetan ( saria talde osoak gozatu beharko du data berean).
2023ko ekainaren 15ean finalistentzako autobusa barne.
